CAGAYAN DE ORO CITY – Gi-awhag sa Commission on Elections o Comelec-10 ang mga kandidato sa umalabot piliay nga e-edukar ang ilang mga supporters kalabot na sa insakto nga pagbutang sa mga campaign materials.
Kini human nagbahad si Comelec regional director Atty Reynato Magbutay nga ang pulitiko maoy ilang kasuhan sa “electoral offense” ugaling ilang mga campaign material ang nakasupak sa mga gabayan sa komisyon.
Una niini, nalipay si Magbutay tungod kay gipanglangkat na ang mga billboard ug dagko nga tarpaulin sa mga pulitiko nga makita sa syudad.
Samtang gipirmahan na sa Commission on Elections-10 ug Kapisanan ng mga Broadcaster ng Pilipinas o KBP ang Memorandum of Agreement o MOA kalabot na sa May 13 midterm elections.
Si Magbutay miingon nga tumong niini nga mahimong updated ang ahensiya sa paghatag updates sa ilang mga calendar of activities sama sa mga pagpangandam sa umalabot piliay.
Dugang ni Magbutay nga dako’g ikatabang ang KBP sa pag-disiminar sa mga insaktong impormasyon ngadto na sa katawhan.
