CAGAYAN DE ORO CITY – Walay pag-relaks ang mga ginsakupan sa Commission on Elections taliwala nga masibog na sa Nobyembre 2026 ang eleksyon sa brgy inay sa Disyembre 1 ning tuiga.
Miingon si Comelec 10 regional director Atty.Renato Magbutay nga wala pa’y kasiguruhan kung ipalig-on sa korte suprema ang balaod nga bag-uhay lang gipirmahan ni Pres Bongbong Marcos nga nagpa-oktaba niini sa sunod tuig.
Kini tungod kay gilauman sa Comelec nga moduso’g petisyon ang pipila ka election watchdogs aron kuwestiyonon ang legalidad sa subli pagsibog sa piliay sa brgy.
Dumduman nga sa tuig 2022,nagmando ang korte suprema nga dili na hilabtan ang eleksyon sa brgy rason napugos ang gobierno pagpahigayon niini niadtong 2023.
