CAGAYAN DE ORO CITY – Dili alkanse apan bulahan ang katawhan nga gi-representahan ni Cagayan de Oro 1st District Cong. Lordan Suan didto sa kamarabaha.
Kini ang paghulagway ni Misamis Oriental 2nd District Cong. Bambi Emano kang Suan nga kabahin sa nakadawat sa mga pagsaway kay namirma sila sa pag-endorso sa impeachment complaint batok Vice Pres Sara Duterte sa senado.
‘But look at Lordan,sa iyang first term pa lang,maka-estorya na,makadiskurso na ug maka-debate na. What Lordan has done for his district, dili alkanse ang Cagayan de Oro.’matud ni Emano.
Siya miingon nga wala niya aghata ang katawhan nga botaran si Suan apan giawhag usab niya sila nga timbangon pag-ayo kon kinsa ang tinud-anay makatingog sa kongreso.
Kini ang hinungdan nga nasulti ni Emano nga layo ra siya sa nahimong agi ni Suan kon hisgutan ang ilang tagsa-tagsa ka performance kon itandi ang unang termino didto sa kamarabaha.
Pagsaysay pa niini nga sa unang termino niya kaniadto sa kamara, mibati siya’g kahadlok mag-estorya itandi kang Suan.
Gihimo ni Emano ang reaksyon agi’g katin-awan sa mga batikos nga grabeng nadawatan ni Suan nga binuhatan sa lehitimo ug troll accounts nga anaa naglihok sa social media.
Hisayrang si Suan ang Padayon Pilipino Party chairman sa Cagayan de Oro nga tinguha magpapili pagka-kongresista diin giatbangan sa iyang kanhi na gipildi nga sa kanhi city vice mayor ug karon Carmen Punong Brgy Kikang Uy sa May 12 elections.
