Gisaway ni Labor Law Expert Atty. Proculo Sarmen, ang “No Work, No Pay” nga sugyot ni House Majority Leader Sandro Marcos.
Sa eksklusibong pakighinabi sa BOMBO RADYO, iyang gi‑klaro nga ang House Bill No. 7432 nag tumong lamang sa mga senador ug kongresista, ug dili kini ma-aplikar sama sa mga empleyado sa pribadong sektor o sa mga ahensya sa gobyerno.
Namugos si Sarmen nga protektado sa Konstitusyon ang kompensasyon sa mga elected officials, kay kung ipamugos kini nga polisiya, kinahanglan pa nga amendaron ang probisyon sa balaod nga naglatid sa ilang katungod sa fixed compensation.
Una pa niini, pipila ka abogado ang nakasaway sa ka-ignorante sa anak ni Presidente Ferdinand Marcos Jr., tungod kay klaro sa balaod nga ang mga elected officials bayaran base sa ilang termino ug posisyon.
Subli, gi‑pasabot ni Sarmen nga ang accountability sa mga opisyal sa gobyerno nakalatid sa Konstitusyon ug dili kini managsama sa kontraktwal nga trabahante nga pwede ipailalom sa “no work, no pay” nga palisiya. Ang probisyon sa fixed compensation makita sa Article VI, Section 10 sa Konstitusyon.
