CAGAYAN DE ORO CITY-Patay ang construction worker human dunggaba sa wala mailang suspetsado diha sa Gaabucayan-Valenzuela Streets,Agora, Brgy Lapasan ning syudad kagabii.
Giila ni SP02 Michael Furtunado, imbestigador sa Agora Police Station ang biktima nga si Michael Manya, 21-anyos nga lumad sa Malaybalay City, Bukidnon apan kasamtangan nagpuyo sa Brgy Lapasan sa syudad.
Nakaangkon sa igo dinunggaban ang biktima sa iyang hawak nga miresulta sa iyang kamatayon.
Dali pa kining gidala sa ospital apan gideklarar sa nag-atimang doktor na nakabsan na sa kinabuhi.
Miingon si Furtunado nga giimbestigaran pa nila ang motibo sa pagpangdunggab aron maila usab ang responsable sa krimen.
