CAGAYAN DE ORO CITY, Philippines – Mi-ubos sa 19.61 porsiento ang kaso sa mga krimen nga gakahitabo sa Metro Manila sa Enero ning tuiga.
Gibutyag ni National Capital Region Police Office (NCRPO) acting chief Brig. Gen. Anthony Aberin nga mitala sa 451 ka kaso sa crimes against persons and properties ang syudad sa unang bulan sa 2025, mas ubos kini sa 110 ka mga kaso sa susamng period sa 2024.
Nagtuo si General Aberin nga ang paghupay sa mga krimen nagsumikad sa agresibo ug walay paglubad nga mga police operations batok sa mga kriminal ilabe na sa ilang kampanya batok sa ilegal nga druga, loose firearms, illegal gambling ug pagpangita sa mga wanted persons.
Lakip sa giklasipikar isip focus crimes sa kapulisan ang kaso sa pagpatay kon murder, homicide, physical injury, rape, theft, robbery, vehicle theft ug motorcycle theft.
Ang kaso sa lugos mihagba sa 46.49 %, physical injuries – 37.14 %, homicide – 28.57 %, murder – 17.65 % ug ang kaso sa kawat miubos sa 23.05 %
