CAGAYAN DE ORO CITY – Gipaubos sa case build up sa kapolisan ang kasong pagpanulis sa planta sa Misamis Oriental.
Kini ang gikompirmar ni Capt Geraldine Batonas,tigpamaba sa Misamis Oriental PNP sa zoom interview sa Bombo Radyo.
Miingon si Batonas nga kabahin sa inisyal nga gikasuhan si Reynante Perez samtang nagpadayon pa ang imbestigasyon sa pagkatulis sa Mindanao Talakag Steel Corporation sa Barangay San Martin,Villanueva ning lalawigan.
Dumduman nga atol sa pagpanulis,tinuyo gipusil-patay ang usa nga si Celso Palma ug laing usa ang samaron samtang nadala ang minilyong salapi ayha misibat ag mga tulisan sa wala matino nga direksyon.
Hisayrang si Perez lamang una ang gikasuhan sa robbery with homicide,frustrated homicide ug kasupakan sa pagkupot sa ilegal nga droga samtang pabiling gipangita ang tulo ka ‘John Does’ nga gipamugos sa kapolisan nga ka-konsabo niini.
