CAGAYAN DE ORO CITY – Nadakpan sa hiniusang operasyon Philippine National Police- Criminal Investigation and Detection Group (Misamis Oriental/Camiguin Provincial Field Unit) ang deputy secretary general sa Communist Terrorist Group (CTG) nga nagtagu-tago sa Marawi City, Lanao del Sur.
Sa impormasyon nga gipagawas ni Police Regional Office 10 Director Brig Gen Jaysen de Guzman,nadakpan ang 36 anyos nga si alyas Kiram Kuya o Mecca nga lumad taga- Malaybalay City,Bukidnon.
Gitumbok nga siya aktibong sakop sa Platoon Ferrari ug commanding officer sa SROC ubos sa Sub-Regional Committee 5 sa North Central Mindanao Regional Committee.
Siya nag-atubang sa kasong pagsupak sa Republic Act No. 9851 o Philippine Act on Crimes Against International Humanitarian Law, Genocide, and Other Crimes Against Humanity sa korte sukad Enero 2022.
Napasayon ang pagdakop kang Kiram Kuya kay miabag sa operasyon ang 103rd ‘Haribon’ Brigade ubos sa 1st Infantry Division, Philippine Army nga nakabase esa Camp Ranao,Marawi City,Lanao del Sur.
