Gipahibalo sa Bureau of Fire Protection nga kanselado ang giplanong culmination activity sa Fire Prevention Month karong Marso ug giuna na lang ang pagpahigayon sa operational readiness sa mga fire response units.
Sumala ni CAPT. John Rey Donasco, Station Commander sa BFP‑10, ang maong lakang subay sa direktiba sa ilang bag‑ong liderato nga magpokus sa core responsibilities sa buhatan, ilabi na sa pagresponde sa sunog.Dugang pa niya, giuna ang pagpangandam sa mga fire units aron masiguro ang tulin ug epektibong aksyon kon adunay emerhensya.
Gipasabot usab ni Donasco nga ang kasamtangang sitwasyon sa presyo sa gasolina nakaapekto sa operational adjustments sa ilang mga kalihokan, hinungdan nga giprayoridad ang aktuwal nga serbisyo kaysa sa selebrasyon.
Busa, padayon ang BFP sa pagpalig‑on sa kahandam sa mga yunit aron mas maprotektahan ang katawhan, ilabi na karong Holy Week.(by James Oliver)
