CAGAYAN DE ORO CITY – Gihagit sa grupong Citizens Watch for Good Governance o CWGG 10 ang Malakanyang nga puy-an ang ilang gipanulti atubangan sa mga empleyado sa gobierno ug sa publiko.
Kini human unang gibutyag ni Executive Secretary Lucas Bersamin nga dili angay maggasto’g dinagko ang nagkadaiyang opisina sa gobierno sa pagpahigayon sa Christmas parties kay aron magdaginot sa pondo.
Miingon si CWGG 10 Atty Antonio Soriano nga katungod sa matag-empleyado o tawo nga magpasalamat sa grasyang nangadawat sa tuig rason nga angay nga adunay kasaulugan sama sa paskuhanong katiguman.
Siya miingon nga walay dautan sa gisulti ni Bersamin nga ang tipik sa igasto unta sa bonggang paskuhanong lipay-lipay ihatag una sa mga pamilya nga grabeng apektado sa sunod-sunod nga bagyo didto sa Luzon.
Apan hagit ni Soriano nga unta mag-una ang Malakanyang nga magdaginot kay aron motoo ang mga tawo sa ilang gipanulti.
Hisayrang ilado ang pamilya ni Pres Bongbong Marcos nga wala magdako sa grabeng kalisod ug bisan ang kapikas niini nga si Atty Liza Araneta Marcos.
