CAGAYAN DE ORO CITY – Daw nasayangan ang pipila ka pari sa Diocese of Malaybalay kon nganong wala gilayon nila matagad ang pagsumbong ni Rev Fr Rene Regalado sa mga bahad sa kinabuhi nga nadawat niini sukad buwan sa Disyembre sa milabay’ng tuig.
Kini human angkona ni Diocese of Malabalay spokesperson Rev Fr Vergelio Delfin nga mismo siya ang nasumbungan ni Regalado sa death threats nga nadawatan niini.
Miingon si Delfin nga gilayon usab nila gipanghimangnuan ang biktima nga dili basta-basta nga molakaw nga mag-inusara tungod sa iyang sitwasyon.
Apan ulahi na nila nasayran nga mihimo paglakaw si Regalado sa miaging adlaw’ng Domingo sa gabii hinungdan nakahigayon ang mga kriminal pagpatay kaniya.
