GIDAYEG sa Department of the Interior and Local Government (DILG-10) ang Cagayan de Oro City Hall tungod sa makasaysayanong pagpasar sa Anti-Epal Ordinance of 2026 o MC No. 2026-006.
Namahayag si DOLE-10 Regional Director Bruce Colao nga ang pag-ila sa maong lakang nagpalig-on sa baruganan alang sa usa ka “people-centered” nga panggamhanan.
Sumala sa DILG-10, pinaagi sa ordinansa, tangtangon ang political branding sa mga pampublikong proyekto aron masiguro nga ang pagtagad ug pag-ila ibutang sa serbisyo nga nadawat sa matag Kagay-anon, dili sa ngalan o hulagway sa mga politiko.
Ang Anti-Epal Ordinance nagtinguha sa pagpalambo sa kultura sa maayong panggamhanan pinaagi sa paglikay sa personal nga pag-angkon sa kredito sa mga proyekto nga pinondohan sa pondo sa katawhan.
Gipasabot sa ahensya nga ang inisyatiba mahimong ehemplo sa ubang lokal nga panggamhanan sa rehiyon sa pagpatuman sa mga polisiya nga nag-una sa interes sa publiko. –
