Gi-kumpirmar ni Department of the Interior and Local Government Secretary Juanito Victor “Jonvic” Remulla ang pagbisita sa Chinese Ambassador sa iyang opisina. Nahitabo kini taliwala sa tensiyon sa panag-binayloay sa mga pahayag sa Senado ug Kongreso kabahin sa kuno pag-surrender sa Kalayaan Island Group (KIG) ngadto sa Chinese Communist Party. Matod ni Remulla, wala nila gihisgutan ang KIG sa maong miting ug gipunting ang panag-istorya sa pag-paubos sa tensiyon tali sa duha ka nasud. Lakip sa gihisgutan ang pagpalig-on sa koordinasyon sa peace and order ug ang pagtukod sa dugang nga cultural ug social exchanges.
