CAGAYAN DE ORO CITY – Gipasakaan na’g kaso sa kapulisan ang sidewalk vendor nga midunggab-patay sa usa ka dispatcher diha sa may Capt. Vicente Roa, corner Justo Ramonal St. ning syudad.
Mag-atubang sa kasong murder ang suspek nga si Rene Camareño, 42-anyos, lumad nga taga Purok 2, Pualas Bukidnon human iyang gidunggab-patay ang biktima nga si Richard Balgoma, 29 anyos ug residente sa Parola Brgy. Macabalan.
Una nang gibutyag ni Police Corporal Joel Gacusta, desk officer sa Cogon Police Station nga pagdumot ang posibleng hinungdan kung nganong nahimo sa suspek ang krimen.
Narekober sa crime scene ang kutsilyo nga giggamit pagpatay sa suspek ngadto na sa biktima.
