CAGAYAN DE ORO CITY, Philippines – Giawhag ni Department of National Defense Secretary Gilbert Teodoro ang regional directors sa government weather bureau nga dili matalaw sa pagpadayag sa mga sukdanan sa gidaghanan sa ulan, kung ugaling dunay musulod nga bagyo sa Pilipinas.
Gihimo ni Teodoro ang pamahayag human nabulit sa pagsaway ang PAG-ASA sa daghang residente nga apektado sa Bagyong Julian ug Bagyong Kristine.
Usa niini si Senador Francis Tolentino nga mirekomendar sa Senado nga ipa-resign ang tanan administrador sa ahensya kay wala nila masukod ang gidaghanon sa tubig ulan nga gibubo sa Severe Tropical Storm Kristine nga miktulo sa 150 ka mga kinabuhi sa milabay’ng semana.
Gidasig ni Teodoro ang mga eksperto nga dili magpadala sa mga pagsaway ug ipadayon ang paghatag sa pinasayon nga weather forecast nga magamit sa pre-emptive evacuation sa mga lugar nga posibleng agi-an a bagyo.
