Gipamugos sa Department of Energy (DOE) nga nag-andam na sila’g programa aron ilakip sa mahatagan sa subsidiya sa lana ang mga mag-uuma ug mga mangingisda sa nasud, epekto sa pagsaka sa presyo sa produktong petrolyo.
Namahayag si DOE Secretary Sharon Garin nga gawas sa mga drayber sa public utility vehicles, ilang gilatid nga lakip na sa fuel subsidy program ang mga mag-uuma ug mangingisda, tungod sa tensiyon sa Middle East.
Hisayran nga ang subsidiya gilaraw aron maminusan ang gasto sa produksyon ug transportasyon sa sektor sa agrikultura ug pangisda.
Makatabang usab kini nga dili mapugos ang mga drayber sa pagpasaka sa ilang singil sa pletehan.
Tumong sa programa nga maprotektahan ang ekonomiya ug panginabuhi sa katawhan batok sa epekto sa global oil price hikes.
