CAGAYAN DE ORO CITY – Miani sa nagkadaiyang baruganan ang legal opinion sa Department of Justice o DoJ kon ensakto ba ang pag-takeover sa Local Water Utilities Administration o LWUA sa pagdumala sa Cagayan de Oro Water District o COWD sa syudad.
Kini human miduso’g resolusyon si Kag.James Judith aron hangyoon ang LWUA nga e-respeto ang punto-legal sa DoJ sa ilang pagsulod sa water district.
Kini ang rason nga boto nga 10-5,nakalusot ang maong lakang sa konseho.Samtang dili angayang manginlabot ang city council sa isyu tali sa COWD ug LWUA nga dunay gibutang nga interim officials sa dakbayan.
Miingon si Kag. Ian Achas nga opinion lang kini sa DoJ ug angay dumdumon nga may hukom na ang lower court sa legalidad sa maong isyu.
Miingon si Achas nga unta mangita’g maayong sulbad ang dakbayan ug dili pun-an ang giatubang nga mga suliran sulod sa COWD.Sa pikas bahin,giuyunan ni Kag. Jose Pepe Abbu Jr ang baruganan ni Achas pag-abot sa isyu sa gilugwa nga opinyon sa DoJ.
Miingon si Abbu nga nagsilbi lang kining gabayan apan dili obligado mosanong niini ang LWUA.
Siya miingon nga sama sa gisulti ni Achas nga dili na unta angay pun-an ang kainit sa kahimtang sa COWD sama sa gihimon sa pipila ka mga opisyal sa dakbayan ug suporters sa city hall sa syudad.
Dugtong niini,mas bug-at ang punto nga gilugwa sa DoJ kay sa mga reaksyon sa pipila ka konsehal sa dakbayan.
Kini ang pagsidaan usab ni Kag. Edgar Cabanlas sa maong init nga isyu sa COWD ug LWUA.
Miingon si Cabanlas nga mismo ang LWUA ang nangayo sa opinyon sa DoJ rason nga angay kini nga sundon.
Hisayrang gigamit nga basehan sa DoJ opinion ang Presidential Decree 198 diin nagsulti nga walay gahom ang LWUA kon walay natigayogn default sa usa ka water district.
