CAGAYAN DE ORO CITY, Philippines- Taliwala sa gibatonang kanser, ipadayon ni youtuber ug social media influencer – Dr. Willie Ong ang iyang paglansad sa kandidatura sa pagka senador.
Gihimo ni Ong ang opisyal nga pagpahibalo sa publiko, kagabie.
Gibutyag sa nagsakit nga doktor nga dili mahimong babag ang iyang kanser sa iyang paghatag serbisyo medical para sa mga tawong padayong misalig kaniya.
Sama sa gilauman, unod sa iyang plataporma ang libre mga balayrunon sa check-up ug mas barato nga balayrunon sa hospital bills ilabe na mga pamilyang kabus, mga inahan, bata ug katigulangan.
Gusto ni Doc Ong nga maila siya isip Doktor ng Masa ug midaug sa pili-ay nga walay gastuhong salapi.
Kahinumduman nga sa milabay’ng 2022 elections nagsilbing running mate ni kanhi Presidential Candidate Isko Moreno si Ong.
Sa pagkakaron, gi-endorso ni Ong ang iyang kaugalingon isip independent candidate ug walay gisandigan nga political party.
