An Isuzu elf truck suffered bloody accident carrying police trainees from a PNP camp in CdeO
CAGAYAN DE ORO CITY-Kasuhan sa reckless imprudence resulting to multiple homicide and serious physical injuries ang drayber sa Isuzu elf truck nga na aksidente nga gikamatay sa tulo ka pulis samtang 17 ang samaran sa Brgy Gusa ning syudad.
Giila ang driver nga si Jomar Ihong, 27-anyos ug residente sa BrgyTaboc, Opol,Misamis Orienta.
Miingon si Agora Police Station commander Police Maj Julius Clark Macariola nga giila ang namatay nga sila Roigie Perpetua Bulay, Elbert Sheen Taping Labra ug Aldred Fernandez Catane nga pulis nagbaton sa ranggo nga patrolman.
Gibutyag ni Macariola nga nawad-an sa brake ang truck hinungdan mibangga sa gate sa subdivision kagahapong adlawa.
Gikan sa Camp Nicolas Capistrano diin nakabase ang Regional Mobile Force Batallion o RMFB-10 ang mga biktima ug padulong unta sa 4th ID,Philippine Army aron ihatod ang mga gamit nga gikinahanglan sa “Motorcycle Riding Course”.
Samtang gikasubo sa Police Regional Office o PRO-10 ang kamatayon sa tulo ka police trainees nga naaksidente diha sa Brgy Gusa ning syudad.
Sumala ni PRO-10 spokesperson Police Lt Col Surki Serenias nga mohatag sa financial assistance ang PNP sa pamilya sa mga namatay ingon man sa mga nasamdan.
Siya miingon nga ang PNP na usab ang moggasto sa balayronon sa mga biktima nga nadala sa ospital.
Una nang gipasalig sa PNP sa pamilya sa mga namatay ug nasamdan nga dili sila pasagdan sa trahedya nga ilang gikalamibigitan.
