CAGAYAN DE ORO CITY – Naka-eskapo ang suspected target ug ilegal nga droga lang ang nakompiskar sa tropa sa Philippine Drug Enforcement Agency-BARMM kuyog ang kasundaluhan ug kapolisan dihang gisilbi ang search warrant sa Sitio Unit 3,Brgy East Kili-kili, Wao, Lanao del Sur.
Kini human mihimo’g pagsukol sa operating troops ang suspek nga si alyas Baulo kuyog sa mga sakop niini hinungdang mitala sa duha ka oras ang sinukliay sa mga bala duha ka panig ug wala gyuy’g nadakpan.
Saysay ni PDEA-BARMM regional director Cesario Castro nga pasulod pa langa ang government forces sa lokasyon sa suspek,gilayong misugat na ang mga bala rason nga napakyas sila pagduol sa lugar kay natigayon ang engkuwentro.
Hinoon,walay nakalas o samaron sa panig sa gobierno apan wala nila makuha ang suspek.
Narekober sa encounter site ang 155 gramos nga gitoohang shabu nga dunay estimated street value nga sobra milyon pesos.
