GIPADAYUN sa DSWD-10 ang profiling sa mga pamilyang naapektuhan sa Bagyong Basyang sa Iligan City aron mahatag dayon ang gikinahanglan nga assistance.
Sumala ni DSWD-10 Information Officer II Shaira Agulan, gisunod sa buhatan ang mando ni DSWD Secretary Rex Gatchalian nga makompleto ang pinal nga masterlist sa mga apektadong pamilya aron mahatag ang relief assistance.
Padayon ang house-to-house assessment sa mga biktima samtang ginaproseso sa CSWDO ang tanang rekisitos aron makapagawas og pondo sa buhatan para sa emergency relief assistance.
Dugang pa ni Agulan, apil na usab sa proseso ang cash transfer program alang sa mga residente human ideklarar ang Iligan City nga ubos sa state of calamity, nga naghatag og Emergency Cash Assistance (ECA) sa mga lugar nga grabe ang kadaut tungod sa bagyo. (James Oliver)
