CAGAYAN DE ORO CITY – Gikumpirmar ni El Salvador City Police Station commander PLTC Randy Anito nga nag-request siya’g dugang deployment sa pulis gikan sa Misamis Oriental Provincial Police Office aron ibutang diha sa may Divine Mercy Shrine.
Sa pakighinabi sa Bombo Radyo, gibutyag ni Anito nga dul-ag 200-mil ka nga deboto ang ilang gilauman nga mobisita sa maong lugar ning pagtamod sa Semana Santa.
Gani, gibutyag niini nga ilang gidugangan ang exit points sa mga deboto ug sakyanan sa shrine aron malikayan ang pagkabukog sa dagan sa trapiko.
Nanawagan usab si Anito sa mga deboto nga lauman ang hugot nga seguridad nga ilang ipatuman sa palibot sa shrine.
