CAGAYAN DE ORO CITY, Philippines – Dismayado si City Councilor Romeo Calizo sa pagsaka sa ihap sa mga nagpositibo sa pag-gamit sa ilegal nga druga gikan sa suprise drugtest nga gilusad sa City Anti-Drug Abuse Council (CADAC) sa mga empleyado sa City Hall.
Sa pakighinabi sa Bombo Radyo, miingon si Calizo, kinsa co-chairman sa CADAC nga miabot sa 17 ang ihap sa mga nagpositibo sa drugtest.
Wala pay desisyon ang opisina ni City Mayor Klarex Uy kung tangtangong, o suspensohon lamang ang mga empleyado nga nasapong migamit sa ilegal nga druga.
Nagtoo ang konsehal nga gikan sa kapon 4,000 ka mga empleyado, midoble pa sa 8000 ang ihap sa nanarbaho sa city hall, busa taas ang tsansa nga adunay pipila nga makasulod sa gobyerno nga tiggamitan sa ilegal nga droga.
Nanghinaut si Calizo nga makatabang ang ilang walay hunong nga awareness campaign ug drug symposia aron siento-porsiento nga drug free ang tanan nanarbaho sa City Hall sa lungsod sa Cagayan de Oro.
