Gilugwayan pa sa Department of Trade and Industry (DTI) ang price freeze para sa mga nag-unang palaliton kutob Mayo 10, human sa kasabutan tali sa mga manufacturers ug retailers.
Una niini, taman lang unta sa Abril 30 ang pagpatuman sa price freeze apan, gilugwayan kini subay sa ilang nasabutan sa bag-uhay pa nahuman nga pagpulong.
Namahayag si Trade Secretary Maria Cristina Aldeguer-Roque nga ang mga manufacturers ug retailers misugot nga ipadayon ang pagpagahi sa presyo aron mapabilin ang kalig-on sa presyo sa basic necessities ug prime commodities.
Ang desisyon gihimo human sa konsultasyon sa industriya ug kabahin sa paningkamot nga malikayan ang kalit nga pagtaas sa presyo.
Nakita usab nga ang pag-ubos sa presyo sa lana nakatabang sa pagdesisyon nga dili una usbon ang presyo sa mga pangunahing bilihin.
