Gibatikos sa laing higayon ni Pres Bongbong Marcos ang war on drugs policy ni kanhi Pres Rodrigo Duterte atubangan sa ilang libuang supporters nga mitambong sa political rally sa mga kandidato niini pagka-senador sa Pasay City kagabii.
Miingon si Marcos nga dili mahitabo nga kini ang angay ipadayon nga palisya kay daghang kinabuhi ang nausik tungod sa dugu-ong paagi pagsumpo sa maong problema.
Siya miingon nga mas angay buhaton nga ipalig-on ang mga balaod nga adunay dakong kalambigitan sa maong problema ug dili ang taktika sa kanhi Duterte administration.
Sa bag-o pa sa katungdanan si Marcos, gisaad niini nga ipadayon ang war on drugs policy ni Duterte apan sa pag-aslom na relasyon nila ni Vice Pres Sara Duterte,milahi na ang tonada sa baruganan niini.
Hisayrang bisan si Marcos ang nabutang usab sa kontrobersya sa isyu sa illegal nga droga kay giakusahan kini ni Duterte nga tiggamitan nga kusganong gihimakak usab sa Malakanyang.
