Nanawagan ang Organisation for Economic Co‑operation and Development (OECD) sa gobyerno sa Pilipinas nga pagamyan ang mga fiscal incentives ug hinay-hinay nga wagtangon ang VAT exemptions para sa mga senior citizens ug pribadong eskwelahan aron maminusan ang utang ug mapagamay ang budget deficit.
Sumala sa OECD, kinahanglan sa Pilipinas nga paspason ang fiscal consolidation pinaagi sa mas maayong pagkolekta sa buhis ug mas epektibong paggasto aron mapanalipdan ang public debt sa nasud.
Gisugyot sa grupo nga hinay-hinay nang tangtangon ang VAT exemptions sa pribadong healthcare, edukasyon, ug senior citizens, uban sa targeted social transfers, ug ang pag-phase out sa corporate tax holidays.
Gawas niini, girekomenda usab sa OECD ang pagtukod og tiered social protection system, lakip ang universal basic pension para sa tanang tigulang, ug ang pagbalhin sa financing sa universal healthcare gikan sa social security contributions ngadto sa general taxes. (James Oliver)
