Mi-botar ang mga tawo sa Japan niadtong Pebrero 8 bisan pa sa bug-at nga ‘snow’ sa Tokyo ug ubang dapit sa nasud diin ang coalition ni Prime Minister Sanae Takaichi ang misiguro sa kadaugan sa snap elections.
Ang Liberal Democratic Party ug Japan Innovation Party nakakuha og kapin sa katunga sa mga posisyon sa House of Representatives, nga mihatag og lig-on nga mandato sa kina-unhang babaye’ng Primo Ministro sa Japan.
Si Takaichi nahimong Primo Ministro sa nasud kaniadtong Oktubre, 2025 nga midani sa suporta sa kabatan-onan pinaagi sa “sanakatsu” o Sanae-mania.
Sukad sa paglingkod, gipadali ni Takaichi ang pag-palapad sa military spending sa Japan aron kontrahon ang China samtang miduso siya sa sales-tax cut ug nakig-uban kang US President Donald Trump nga mihatag kaniya og suporta. (jane/phillip)
