CAGAYAN DE ORO CITY – Supak si Misamis Orienal 2nd District Cong. Bambi Emano sa katukuran sa naval base sulod sa Phividec Industrial Authority sa Tagoloan,Misamis Oriental.
Kini ilabina kon mohatag lang sa dakong peligro nga atakehon sa mga puwersang langyaw ang Pilipinas kay anaa ang kagamitang panggubat sa Amerika.
Miingon si Emano nga wala siya makonsulta kabahin niini hinungdang makigtagbo kini sa kadagkuan sa Phividec ug bisan sa Department of National Defense.
Siya miingon nga gusto niya mabasahan ang maong kasabutan aron maoy sukaranan sa iyang baruganan niini.
Apan giklaro usab niini nga kon pagsanta sa mga isyu sa mga pirata ug ubang aspeto nga makahatag seguridad sa nasud,dili niya kini supakon.
Dumduman nga mismo si Defense Secretary Gilberto Teodoro Jr ang nag-anunsyo sa iyang pagbisita sa syudad nga tukuran sa naval base ang Phividec.
Kini aron pahimutangan sa kagamitang pang-depensa sa Estados Unidos kon dili maigo sulod sa Enhanced Defense Cooperation Agreement o EDCA sites nga nahimutang sa airbase sa Philippine Air Force o PAF sa Brgy Lumbia.
Hisayrang ubos sa distrito dos nga gi-representahan ni Emano ang sa Tagoloan diin nagsilbi usab niya nga yutang natawhan nga lungsod.
