Dakpan ang usa ka 50-anyos nga babaye nga empleyado sa CEEBDA human masakpan sa akto nga nangilkil og kwarta gikan sa usa ka stall owner sa Cogon Public Market. Sumala ni PCAPT Emilita Simon sa Cagayan de Oro City Police Office, gilunsad ang entrapment operation human misumbong ang biktima nga giingong ginapugos ug ginapangayoan og kwarta matag adlaw sa suspek. Sa operasyon, nakuha gikan sa babaye ang P1,200 nga marked money nga nagsilbing ebidensya sa maong kalihukan. Dugang pa, giingong gihulga ang biktima nga ipahawa sa ilang gi-okupar nga pwesto kon dili motuman sa gipangayo nga kantidad.Busa, giandam na ang kaso nga extortion batok sa suspek samtang nagpadayon ang imbestigasyon sa posibleng uban pang biktima sa maong modus.
