Pasado na ang resolusyon nga nagdili sa mga batan-ong nag-edad sa 16 anyos pa-ubos nga mugamit sa social media, video-sharing sites ug AI companions. Namahayag ang European Parliament nga gipasar ang resolusyon aron mapanalipdan ang mga batan-on sa sobra nga paggamit sa internet nga makadaut sa ilang emosyonal ug pisikal nga pagtubo. Lakip sa gi-presentar nga datos sa mga magbabalaod ang kapin sa 25% nga ihap sa mga kabatan-unan nga nagpangidad sa 13 hangtod 17 anyos sa Europa nadayagnos nga “problematic” ang paggamit sa smartphones. Ang resolusyon nakadawat sa 483 ka boto pabor, 92 nga supak, ug 86 nga abstention.
