“Nagkagrabe ang trapiko sa Beirut human sa evacuation order nga gipagawas sa Israel nga naglakip sa habagatang suburbs sa Lebanon.
Ang Israeli Defense Forces nagmando sa mga residente nga mobiya sa hinanali nga higayon tungod sa posibleng airstrikes batok sa mga posisyon sa Hezbollah.
Ang kalit nga pahibalo nagresulta sa panic ug mass evacuations.
Gawas niini, ang bumper-to-bumper nga trapik namugna tungod sa daghang pamilya nga misubay nalang sa dagan sa trapiko bisan walay kasiguraduhan kung asa sila padulong.
Hisayran nga kini nga mando nagpakita sa mas lawom nga tensyon tali sa Israel ug Hezbollah, samtang ang IDF nagtarget sa mga infrastructure ug armas sa mga militante sa utlanan.
