CAGAYAN DE ORO CITY, Philippines – Gipakuryentihan ni kanhi Customs Intelligence officer Jimmy Guban ang mga ka-alyado sa Pamilya Duterte sa Kamarabaha human gibag-o niini ang iyang pagsaysay sa 2018 Magnetic Lifter nga nadiskobrehan nga naglutaw sa pantalan sa Manila nga dunay sulod 1.6 toneladang shabu.
Sa QuadCom hearing, giduot ni Guban sila Davao City Congressman Paulo Duterte, Atty Mans Carpio, ug kanhi Duterte Administration’s presidential economic adviser Michael Yang nga maoy utok sa shipment sa ilegal nga druga.
Gitumbok usab ni Guban si Paul Gutierrez, kinsa kasamtangang nagsilbi isip Executive Director sa Presidential Task Force on Media Security ang mihulga kaniya nga pamatayon ang iyang pamilya oras nga ipahungaw niini ang mga ngalan nila Carpio, Polong, ug Yang nga utok sa shipment.
Una niini, midepensa si Guban sa report nga siya nagtagu-tagu tungod sa hulga sa iyang kinabuhi sulad nga gi-cite in contempt sa Senado.
