Mipalag si retired Philippine National Police o PNP Chief General Benjamin Acorda sa paglambigit sa iyang ngalan sa kaso ni dismissed Bamban Tarlac Mayor Alice Guo o si Guo Hua Ping sa tinood nga kinabuhi.
Namahayag si Acorda nga limpyo ang iyang record batok kalambigitan kang Guo.
Una niini, nadalahig ang posisyon ni Acorda human nagsilbi kining regional director sa Northern Mindanao sa panahon nga dunay POGO hub sa Brgy Cugman, Cagayan de Oro City ug sulod mismo sa Phividec sa Tagoloan,Misamis Oriental.
Gawas niini, mipungko usab si Acorda isip hepe sa PNP dihang mihungaw na ang expose nga si Guo usa ka ispiya sa China nga nagsilbing mayor sa Banban.
Napun-an pa ang espekulasyon nga dunay bendesyon gikan sa iyang opisina ang paglayas ni Guo.
Mihungaw usab ang mga hulagway ni Acorda tupad sa igsoon ni Alice nga si Wesley ug Sual Pampanga Mayor Liseldo Calugay kinsa giilang protektor sa POGO hubs sa Region 3.(Bombo Anne Quileste).
