Midawat sa laing hugna sa pasidungog si Lando Norris, kinsa giila isip labing bag-ong F1 World Champion sa tuig 2025. Kagabie, gipasidunggan ang race car champion sa Autosport Awards 2026. Gihatag kaniya ang inaugural trophy sa Autosport Champion Award. Ang seremonya nga gipahigayon sa London gitambungan sa mga sikat nga mga atleta sa Federation of International Automobile, kundiin nahisgutan ang iyang makasaysayanong breakthrough season nga naghatag kaniya sa unang titulo sa Formula 1. Lakip sa iyang importanteng gipasalamatan ang McLaren team ug sa mga fans nga naghatag sa suporta pinaagi sa kapin tunga milyon nga boto sa fan-voted awards. Si Norris mitug-an nga ang pagkadaog sa 2025 naghatag kaniya sa mas dako nga kumpiyansa ug inspirasyon sa pagpadayon sa iyang karera. Iyang gipadayag nga ang iyang tumong karon mao ang pagdepensa sa iyang titulo sa 2026 season.
