PC:CdeO’s CIO
CAGAYAN DE ORO CITY-Mi-grabe pa ang pagkasi-ak o political faction sa PDP-Laban party members nga nakabase sa Misamis Oriental ug ning syudad.
Kini human wala ilha sa PDP-Laban 1st District sa Misamis Oriental nga lehitimo ang paghurar sa 7-mil ka bag-ong recruit sa USTP gym sa syudad niadtong Enero 27 ning tuiga.
Gibutyag ni Jun Santos,head sa PDP-Laban 1st District sa lalawigan nga dili mahitabo nga mokuyog sila sa maong mass oath taking kay mga ‘santa-balingbing’ ang mga nanghurar atubangan ni Senate President Koko Pimentel niadtong tungura.
Samtang gitahod sa PDP-Laban Cagayan de Oro Council kon adunay mga miembro nila nga misukwahi ug tinguha molumpag sa partido ning syudad ug lalawigan.
Miingon si Gusa Brgy Kap Marlo Tabac,head sa PDP-Laban Cagayan de Oro Council nga samtang hatagan pa sila sa pagtugot sa ilang tag-as nga opisyales sa pagpalig-on sa partido sila ang magpadayon sa tahas nga gisangon kanila.
Miingon si Tabac nga dili kalikayan nga sulod sa partido may pipila ka mosukwahi sa interes sa kabag-an hinungdan nga dili na lamang nila kini panumbalingon.
