Halos dili mahulugan sa dagom ang labing unang fan meeting ni K-drama star Song Joong-ki sa Mall of Asia Arena sa milabay’ng adlaw.
Ubos sa “IAM Song Joong-ki: Live in Manila” gihatagan sa grand entrance ang actor, ug siya mismo ang nalipay sa init nga pagsugat sa iyang mga Pinoy Fans.
Wala napug-ngan sa aktor ang iyang pagka shock sa kadaghan sa mga fans nga midagsa sa venue ug naghulat kaniya.
Ang fan meeting gilangkoban sa Interactive Games kundiin pipila sa mga fans ang nakadula sa “Vincenzo”- themed charades lakip na ang The Mafia Game, kauban ang aktor.
Aduna usab Special Moments sila Janice de Belen, kinsa nakadawat sa bulak gikan kang Song Joong-ki ug nagpakita sa iyang ultimate fangirl moment. Usa sa gihighlight sa actor ang importansya sa iyang kapikas ug sa iyang namugna nga pamilya.
Hisayran nga kaduha naminyo si Song Joong-ki, kundiin ang iyang unang asawa mao si Song Hye-kyo, iyang co-star sa Descendants of the Sun.
Nagpakasal sila niadtong Oktubre 31, 2017, apan nagbulag human sa 20 ka bulan ug opisyal nga nagdiborsyo niadtong Hulyo 2019. Ang iyang ikaduhang kapikas mao si Katy Louise Saunders, usa ka British actress.
Iyang gipahibalo ang ilang kasal niadtong Enero 30, 2023, ug karon sila adunay duha ka anak.
