Gipahunong na sa Commission on Elections sugod karong adlawa nga Lunes ang tanang pagpangandam alang sa Barangay ug Sangguniang Kabataan Elections human opisyal nga gipirmahan ni Presidente Ferdinand Marcos Jr. ang bag-ong balaod nga nag-isbog sa piniliay ngadto sa ikaduhang Lunes sa Nobyembre sa tuig 2028.
Tungod niini, gipahayag ni Misamis Oriental Election Supervisor Atty. Carlito Ravelo nga suspendido na karong adlawa ang gikatakda unta nga pagdawat sa Certificate of Candidacy ug gi-angkon na usab ang pagpadayon sa mga pampublikong proyekto sa gobyerno.
Gipasabot usab ni Atty. Ravelo nga tungod sa maong balaod nga gipirmahan sa Presidente, nausab na ang gidugayon sa termino sa mga lokal nga lider gikan sa 3 ka tuig nga nahimong 5 ka tuig.
Dugang pa sa maong abogado, pinaagi niining pag-usab sa balaod libre na nga makapadayon ang mga proyekto sa gobyerno sugod karong adlawa
