CAGAYAN DE ORO CITY – Nagmalampuson ang ground breaking ceremony sa itukod nga Daycare Center ug Breast feeding building sulod sa Police Regional Office -10, sa Kampo Alagar, Brgy. Lapasan ning syudad, karong buntag.
Gipanguluhan ni Philippine National Police Chief Oscar Albayalde ang seremonya, kuyog sa iyang kapikas.
Lakip sa gihimong aktibidad sa heneral ang pagblessing sa bag-ong girenobar nga St. Ignatius de Loyola Chapel sa PRO-10.
Namahayag si Albayalde nga tumong sa renovation sa ilang kapilya ang pagpadumdum sa ilang kapulisan sa pagpangaliya ubos sa ilang programa sa internal cleansing.
Gawas niini, duha ka kamanduan ang gipatuman ni Albayalde.
Usa niini ang pagpalig-on sa kampanya batok illegal gambling ug ang pagsanta sa terrorismo.
