Natumbok na sa mga opisyal ang rason sa grabeng pagbaha sa ilahang lugar sa Quezon City.
Gibutyag ni Quezon City Mayor Joy Belmonte nga basi sa ilang imbestigasyon naay mga lugar nga dili gabahaan kaniadto ang giabot na sa tubig gumikan sa mga kasamtangang proyektong imprastraktura sa national government sama sa MRT 7 ug flood control programs sa DPWH.
Gani may mga lugar sa Quezon City nga miabot ang tubig sa ikaduhang andana sa mga balay.
Tungod niini, nakatakdang inspeksyonon ni DOTR Secretary Vince Dizon ang maong mga proyekto aron sab mapahimangnuan ang mga kontraktor nga sigurohong dili makabara sa mga drainage ang mga debris nga gamit sa konstruksyon.
