CAGAYAN DE ORO CITY-Dinalian nga pagbalik sa ilang mga pinuy-anan ang kagustuhan sa internally displaced persons o IDPs ang gipangayo nila sa gobierno.
Kini samtang gidumdom sa IDPs ang ikaduha nga tuig sa pagka-atake sa mga teroristang Maute-ISIS ang Marawi City kagahapong adlawa.
Miingon si Samira Gutoc,kanhi representante sa Bangsamoro Transition Commission o BTC nga unta mas mapadali pa ang pagtrabaho sa Task Force Bangon Marawi aron makabalik na ang libuang Maranao-Muslims nga nag-antos sa ilang kahimtang gumikan sa hitabo.
Una niini,gimuntar sa IDPs ang landmark alang sa mga namatay’ng mga biktima sa gubat sulod sa public cementery sa maong syudad kagahapon sa buntag.
Samtang gihupay sa Task Force Bangon Marawi o TFBM ang gibati nga kalaay sa apektadong mga residente nga apektado sa gubat sa Marawi City.
Miingon si TFBM Sec Eduardo del Rosario nga gihimo na nila ang tanan aron lamang maapas ang pagbalik sa normal sa most affected areas o MAA sa tuyo nga mapuy-an na’g balik sa katawhan sa maong syudad.
