CAGAYAN DE ORO CITY – Nakasuhan na sa reckless imprudence resulting into multiple homicide,multiple serious physical injuries ug damage to property ang driver sa Fuzo Tabular Cargo Truck nga unang gibanggaan sa bonggo truck nga nag-resulta sa kamatayon sa unom ka tawo sa Zone 2,Brgy Agusan ning syudad.
Miingon si Police Corporal Rodulfo Abaday,traffic investigator sa Puerto Police Station nga gisang-at nila ang kaso kay walay nakab-ot nga ammicable settlement o kasabutan ang panig sa mga pamilya sa nangamatyan ug mismong mga samaron ngadto sa agalon sa driver nga si Julito Telen kagahapong adlawa.
Unang namatay sa aksidente sila Alvin Escabarte,driver sa bonggo truck,Manilyn Vernon,Elmer Banuag,Jasmine Santos ug Mark Gabriel de la Cruz nga pulos taga-Brgy Sta. Ana,Tagoloan,Misamis Oriental.
Dumduman nga namugos si Telen nga siya ang gidasmagan sa bongo hinungdan sa dugu-ong aksidente sa miaging Lunes sa kadlawon.
