CAGAYAN DE ORO CITY, Philippines – Gi-isnob sa cabinet officials ni Presidente Ferdinand Marcos Jr ang ikaduhang hearing nga gipahigayon sa Senate Committee on Foreign Relations, ubos sa chairmanship ni Presidential Sister – Senador Imee Marcos.
Mibati’g ka insulto si Marcos human igo lang kini gipadad-an sa sulat gikan sa Office of the Executive Secretary nga migamit sa executive privilege ug gahum sa sub judice rule aron makalikay sa pagdungog.
Laraw ni Senador Marcos nga ipa-subpoena ang kadagkuan sa DND, DILG, PNP, CIDG ug DOJ nga maoy responsabli sa dinaliang pagbalhog kang kanhi Presidente Rodrigo Duterte sa International Criminal Court (ICC) didto sa The Hague, Netherlands.
Milaum ang senador nga pirmahan ni Senate President Chiz Escudero ang mga subpoena nga iyang gipasa kagahapong adlawa, aron makatambong ang mga resource person sa ikatulong hearing.
