Wala na matabang sa mga doktor ang magtutudlo nga gipusil-patay sa iyang estudyante sulod mismo sa tunghaan sa Balabagan Trade School, Barangay Narra, Balabagan, Lanao del Sur.
Naila ang biktima nga si Danilo Barba, 34 anyos, miyembro sa LGBT, ug residente sa maong lugar Ang suspek giila nga si alyas Kaizer, 20 anyos Grade 11 student.
Gibutyag ni Police Colonel Caesar Cabuhat, Lanao del Sur Police – Provincial Director nga mikompisal ang suspek sa iyang gihimong kremin, kay gibagsak siya sa iyang subject teacher.
Nakaangkon sa igo pinusilan sa ulo ang biktma human sa init nga pagtinubagay sa suspek sulod sa ilang school campus.
Narekober sa suspek angbkalibre .45 nga pistola.
Human sa insidente, nagtaguntago ang suspek sa ilang mga paryente sa Marogong, apan sa tabang sa iyang igsoon nga usa ka pulis, hapsay kining mitahan sa mga otoridad.
Giangko sa suspek nga sa iyang magtutudlo nga si Barba ra siya nasuko.
Tungod sa hitabo nabalaka ang tibook komonidad nga masundog ang gihimo sa ilang estudyante nga pwede ikamatay sa mga magtutudlo.
Gipahugtan na ang seguridad sa apektadong tunghaan.
