CAGAYAN DE ORO CITY – Nadakpan pinaagi sa mando sa korte ang gi-tratar nga national wanted person nag-atubang sa daghang kasong kriminal sa korte nga nasang-at sa Regional Trial Court Branch 5 nga nakabase sa Iligan City,Lanao del Norte.
Kini human hiniusang gilusad sa kapolisan ug militar ang Oplan Pagtugis aron ipatuman ang warrant of arrest batok kang Kumander Wahad Gara samtang nasiplatan ang presensiya niini sa Brgy Tuca,Marawi City,Lanao del Sur.
Gibutyag ni Police Regional Office Bangsamoro Autonomous Region Director Brig Gen Prexy Tanggawohin nga gidakop si Gara tungod sa kasupakan sa Article 324 sa Revised Penal Code (Crimes Involving Destruction) nga naduso sa korte sa tuig 2017 nga walay piyansa.\
Gitumbok usab sa PNP-AFP data nga prime target sa operasyon si Gara kay nalambigit kini sa 2008 armed attacks sa Lanao del Norte nga nag-resulta sa daghang kamatayon sa mga sundalo’g pulis naglakip kang late Lt Col Angelo Benitez.
Apan bisan sa kabug-at sa mga kaso batok kaniya,nabasura ug na-acquit kini pero padayong pinangita gihapon sa puwersa sa estado.
Nagsilbi usab nga skilled gunsmith ug member sa 102nd Guerilla Base Command sa Moro Islamic Liberation Front (MILF) si Gara diin dako’g natabang sa strategic operations.
Gitumbok sa mga otoridad si Gara nga notoryus sa pipila ka dagkong kremin sa Lanao del Sur apan sa iyang pagkasikop,makatabang kini’g kab-ot sa kahusay’g kalinaw.
Hisayrang si Gara ang dunay P1.3 milyon nga patong sa ulo bugti sa iyang pagkadakpi sa Marawi City sa miaging semana.
