Nakasulod na ang Gilas Pilipinas Women, sa pre-qualifying tournament sa FIBA Basketball Womens World Cup 2026.
Nunot kini sa ilang malampusong pagpukan sa National Basketball Team sa Lebanon, sa final score 73-70 atol sa gipahigayong 2025 FIBA Women’s Asia Cup didto sa China.
Nangulo sa kadaugan sa Gilas si Naomi Panganiban pinaagi sa iyang 15-puntos, upat ka rebounds ug tulo ka assists samtang nakatanang usab ang 14-puntos si Jack Animan.
Hisayran nga milabaw ra sa 1 point ang Gilas sa iskor 70-71 sa nahibiling 8.3 segundos, apan, napasulod ni Panganiban ang duha ka krusyal nga free-throws sa foul line.
Kini pa ang unang kadaugan sa Gilas Women gumikan kay napildi sila teams Australia ug Japan, sa ilang naglabay nga mga dula.
Tungod sa ilang kadaugan, abante na sa playoffs ang Gilas ug makaatbang niini ang ranked number 2 team sa Group A
