Gipaninggit sa Federation of Free Workers (FFW) sa Labor Day observance ang daghang reporma aron matubag ang panginahanglan sa sektor sa mamumuo.
Sa pakighinabi sa Bombo Radyo, si Atty. Sonny Matula, presidente sa FFW, miingon nga lakip sa ilang gipaninggit ang ₱200 legislative wage hike ug ang pagsuspende sa excise tax sa mga produktong petrolyo, apil na ang LPG ug kerosene.Dugang pa niya, gisuportahan usab sa grupo ang pagsuspende sa expanded value-added tax aron maminusan ang kabug-at sa gastohan sa katawhan.
Gisugyot usab ang pagpatuman og wealth tax sa mga bilyonaryo aron makakuha og dugang pondo ang gobyerno para sa serbisyo publiko ug ayuda.
Gipasiugda sa FFW ang panginahanglan sa regulasyon sa presyo sa mga batakang palaliton ug ang mas lig-on nga paningkamot batok sa korapsyon aron mapanalipdan ang interes sa mga mamumuo ug sa katawhan
