CAGAYAN DE ORO CITY – Nakaangkon sa damyos ang pipila ka govt buildings o imprastraktura sa miigo nga sunod-sunod nga linog sa lungsod sa Wa-o,Lanao del Sur.
Kini human unang hupaka sa 4.1 magnitude ug gisundan sa laing tulo ka lain pang linog ang maong lungsod ug pipila ka lungsod sa Bukidnon kagahapon sa udto.
Miingon si Wao Municipal Disaster Risk Reduction and Management Office head Francis Garcia nga kabahin sa apektado ang ilang merkado publiko,public terminal ug mismo ang iyang kaugalingong pinuy-anan.
Gawas niini,may mga pinuy-anan usab sa mga residente nga natiwasan pagguba nga kanhi na naigo sa linog sa miaging katuigan sa maong lungsod.
Hinoon,wala pa’y tawo nga gika-report nga samaron apan subli na usab nangggawas ang mga pasyente sa ilang ospital sa kabalaka nga mahugno kini ilabina nga nangliki na kini tungod sa nangaging mga linog.
