CAGAYAN DE ORO CITY Dili na makabalik sa city legal office ang usa ka empleyado sa city hall nga giakusahan sa pagpangilkil sa manager nga nagdumala sa karnabal diha sa Brgy Macabalan sa syudad.
Kini human unang nasikop sa police entrapment operation ang suspek nga si John Laro,46 anyos nga nagpuyo sa maong dapit.
Gibutyag ni City Administrator Dionne Gersana nga maoy gusto ni City Legal Office head Atty Donald Delegencia nga mabalhin sa laing opisina si Laro samtang gihimo ang pag-imbistigar batok kaniya.
Una nang gipanganti ni Gersana nga ipaubos nila sa suspensyon si Laro ug kon masuta nga may igong basihan ang imbestigasyon,tangtangon nila kini sa trabaho isip regular employee sa city hall.
Dugtong niini,gibutyag ni City Mayor Oscar Moreno nga direkta nga mo-report sa iyang buhatan si Laro.
Kini samtang magpadayon ang pag-imbestigar sa iyang kasong administratibo tungod sa pasangil.
