Patay ang tulo ka sibilyan human namusil ang usa ka armadong lalaki gikan sa nasud sa Jordan.
Mibutyag si Israeli Prime Minister Benjamin Netanyahu nga gikasubo sa ilang gobyerno ang laing trahedya nga nahitabo sa crossing highway sa Allenby Bridge border padulong sa West Bank.
Gikondinar ni Netanyahu ang pipila ka mga indibidwal nga padayong misimpatiya sa hiwi nga idolohiya sa Hamas militants nga maoy hinungdan sa ilang 11 ka bulan nga pakigharong sa mga militante.
Sa Oktobre 7, 2024, dumdumon sa gatusang pamilya sa Israel ang pagkamatay sa mga 72 ka bihag nga unang gidagit sa mga militante ug laing gatus pa ang gitinguha nga masalbar sa Israeli Defense Forces.
Sa pagkutlo ning balita ang Israel-Hamas war mikalas na sa 40,972 ka Palestino segun sa Health Ministry nga gi-operar sa Hamas sa Gaza ug ka 1,478 Israelitas.
Sa maong ihap, 75% mga bata ug kabahaye-an, ug kapin 116 sakop sa prensa.(Bombo Anne Quileste).
