CAGAYAN DE ORO CITY – Mohimo’g aksyong-legal si Gusa Punong Brgy Marlo Tabac batok sa naglangkob sa Liga ng mga Brgy ning syudad.
Kini human siya paphaa sa 64 ka punong barangays isip bise-presidente sa ilang kahugpungan sulod sa usa ka hotel ning syudad karong buntag.
Gibutyag ni Tabac nga gilangkat siya pinasikad sa loss of confidence petition nga pirmado sa maong mga kapitanes sa liga.
Siya miingon nga tinood nga ‘public office, is a public trust’ apan wala matug-an sa mga mipapha kaniya unsay ilang bug-at nga basehan sa pagpapha kaniya sa katungdanan.
Siya miingon nga klaro nga paglangkat kaniya sa katungdanan ang nakasupak sa ilang constitution and by-laws rason mohimo kini’g aksyong-legal batok sa liga.
Gidudahan nga tungod kay nagamit na siya sa politika, gisayun-sayon na lang kini sa pagsalikway sa mga mihudas ngadto kaniya.
Si Tabac ang solido nga opisyal sa PDP-Laban ug walay gipaluyuhan tali sa administrasyon ni City Mayor Rolando’ Klarex’ Uy ug kanhi City Mayor Oscar Moreno sa milabay’ng May 12 elections aron magsilbing anaa sa tunga sa duha ka dagkong mga kandidato pagka-mayor.
Si Tabac unta ang sunod nga mahimong presidentesa Liga kay napili na nga bag-ong city councilor sa distrito dos si incumbent ABC Pres. Alam Lim.
Mitapos kini sa pag-ingon nga nasayod siya kung kinsa ang pinaka-utok ug nagbudhi kaniya aron palagputon sa sa iyang posisyon sulod sa liga.
